Ponse á disposición do público o coñecemento xerado ao longo das últimas dúas décadas sobre a raia galego-portuguesa e, desde ela, sobre outras moitas realidades fronteirizas do redor do mundo, por parte dunha equipa de investigación interdisciplinaria en Estudos fronteirizos (Border Studies) baseada na Universidade de Santiago de Compostela. Co gallo do proxecto TRANSINTER-A (2022-2025), actualizamos e sistematizamos as investigacións en marcha e a nosa intensa traxectoria nesta materia, que inclúe non só investigación básica sobre as fronteiras que conduciu a unha nómina dilatada de publicacións senón tamén as aplicacións prácticas e a transferencia de coñecemento desenvolvidas.